ବର

ତୁମ ଇଚ୍ଛାଦାନ ପରେ

ମୁଁ ମାଗିଥିଲି ମୋ ବଳକା ସର୍ବସ୍ୱ

ପାପ ଧୋଇ ସାରିଥିବା ଦେଉଳ ପାହାଚ

ମୋ ସଦା ବିସ୍ତାରିତ ମରୁରେ

ନିଶାର୍ଦ୍ଧର ଫୁଲ ଓ

କେରାଏ ସୂର୍ଯ୍ୟୋଦୟ।

ମାଗିନଥିଲି

ଉପୁଡି  ପଡିଥିବା ଗଛର ଓହଳ

ମୋତେ ଘୋଡେଇ ପାରୁନଥିବା

ଅଣଓସାର ଚାଦର

ମୋ କ୍ଷତର ହିସାବ କିମ୍ବା

ମୋ ରତ ରତ ସନ୍ଧ୍ୟାର ଅନ୍ୟାନ୍ୟ ବିକଳ୍ପ।

© Rashmi Mohapatra

Leave a Reply

Create your own website, free on WordPress.com.Create your own website.
Start free